යතන ප්‍රධානියා හා සේවකයෙකු අතර ගැටළු ඇති වන්නේ ආයතන ප්‍රධානියාගේ වරද නිසා කියලා කියන්න පෙළඹෙන මිනිස්සු බහුතරයක් ඉන්නවා. නමුත් සේවකයන් විවධ අවස්ථා වලදී කියන්නට පෙළඹෙන දේවල් නිසා ඔවුන් අතර ඇති සම්බන්ධය බිඳ වැටීමේ වැඩි ප්‍රවණතාවයක් තිබෙනවා. ආයතනය තුලදී ඔබේ අතිනුත් මේ වගේ වැරදි කතා කියවෙනවද කියලා පොඩ්ඩක් බලන්න.


fb-like-beg


01. “ඔබට මගේ වැටුප වැඩි කරලා දෙන්න පුලුවන්ද? මට මගේ ගෙදර වැඩ වගයක් කරන්න සිදු වෙලා තියෙනවා.”

ඔබ ඔබේ වැටුප වැඩි කර ගැනීම සඳහා ඉල්ලීම් කළ යුත්තේ රාජකාරි ස්වරූපයෙන් මිස මේ විදිහට නෙවෙයි. ඔබේ ආයතනය ඔබට වැටුප් ගෙවන්නේ ඔබ විසින් ආයතනයට සිදු කරන වැඩ ප්‍රමාණයට ගැලපෙන්නට මිස, ඔබේ පෞද්ගලික උවමනා එපා කම් වලට ගැලපෙන්නට නොවේ. ඔබ ඉහත සඳහන් විදිහට වැටුප් වැඩි කර දෙන මෙන් ඉල්ලුවට එහි ප්‍රතිඵලයක් නොමැති වේවි.
ඔබ ඔබේ වැටුප වැඩි කර ගැනීම ගැන යෝජනා ඉදිරිපත් කල යුත්තේ වැටුප් වැඩි වීමට ඔබ සතු සුදුසුකම් පෙන්වමිනුයි. අනුකම්පාව දිනා ගැනීමට උත්සාහ කරමින් වැටුප් වැඩි කර දෙන මෙන් ඉල්ලීම් නොකරන්න.
ඔබ ඔබේ ඉල්ලීම ඉදිරිපත් කළ යුතු නිවැරදි ආකාරය මෙයයි.
“පසුගිය මාස 6 තුල මම ඔබේ ඵලදායිතාවය තුන් ගුණයකින් ඉහල නැංවීමට සමත් වුණා. ඒ නිසා මගේ වැටුප වැඩි කිරීමට ඔබට හැකි යැයි මම හිතනවා”


02. “මම දවල් කෑමෙන් පස්සේ ගෙදර යන්නද? ඔෆිස් එකේ මට කරන්න තව වැඩක් නැහැ.”

ඔබ වැඩ කරන්නේ දවසේ පදනමට නම්, ඔබ වැඩ අවසන් කළ පසු ඒවා භාර දී නිවසට යන්න. එසේත් නොමැති නම්, මේ වාක්‍යය නිසා ඔබ ඔබටම සිදු කර ගන්නේ හානියක්. මේ වාක්‍යය නිසා ඔබේ ආයතන ප්‍රධානියාට පණිවිඩ දෙකක් ලැබෙනවා.

♦ ඔබ ආයතනය තුල වැඩ කරන්නේ කැමැත්තෙන් නොවන බව

♦ ඔබට දවස තුල කිරීමට ලබා දෙන වැඩ ප්‍රමාණය මදි බව

මෙයින් පසු ඔබට කලින් යාමට ඉඩ දීම වෙනුවට, ඔබට පැවරෙන වැඩ ප්‍රමාණයේ වැඩි වීමක් සිදු වේවි.
මේ නිසා ඔබ කලින් යාමට අවසර පතනවා නම් “මම දවල් කෑමෙන් පස්සේ ගෙදර යන්නද?” පමණක් ඇසීම සෑහේ.


03. “එය මගේ වරද නෙවෙයි. අරයගේ වරද”

අනුන් පිට වරද පටවන්නේ නැතිව, අනුන්ව විවේචනය නොකර තමන්ගේ අතින් සිදු වූ වරද භාර ගැනීම පරිනත බවේ ලක්ෂණයක් ලෙස සැලකෙනවා. බොහෝ සේවකයන් කරන මේ වරද නිසා ආයතන ප්‍රධානියාගේ සිතේ සේවකයා ගැන තිබෙන විශ්වාසය සහ ගෞරවය අහිමි වී යන්න පුළුවන්. ඔබ අතින් වරදක් වී තිබෙනවා නම් නිහතමානිව හා නිර්භයව එය පිළිගන්න. ඇත්තටම වරද සිදු වී ඇත්තේ වෙනත් අයෙකු අතින් නම් ඔහු ගැන වැරදි පැවසීම නවත්වා, වරද ඔබේ නොවන බව පමණක් හෙළි කිරීමට උත්සාහ කරන්න.


04. “මම යනවා”

ඔබ අස් වී යාමට තීරණය කළා නම්, එය දැනුම් දී පිටව යන්න. ඔබේ ආයතනය ඔබට නොගැලපෙන ස්ථානයක් නම් ඔබ ඉවත් වී යාම වරදක් නොවෙයි. නමුත් සමහර සේවකයන් තමන්ගේ තරහා පෙන්වීමට තමන් අස් වී යන බව පවසනවා. නමුත් ඔවුන් අස් වන්නේ නැහැ. මෙසේ නිතරම ගැටළු ඇති කර ගනිමින් අස් වී යන බව පැවසීමෙන් ඔබට අත් වන්නේ ආයතන ප්‍රධානියාගේ සහ සෙසු සේවකයන්ගේ අප්‍රසාදය පමණයි. ඔබ අස් වී යනවා නම් හෝ අදහස් නොගැලපීම ගැටළුවක් වී ඇත්නම් ඒ බව දැනුම් දිය යුත්තේ රාජකාරී ස්වාභාවයෙනුයි.
“මට පෙනෙන්නට තිබෙන්නේ මේ ගැන අපි දක්වන අදහස් එකිනෙකට වෙනස් වගෙයි.”


05. “මම හිතුවේ මෙහෙමයි”

ඔබේ අතින් යමක් වැරදුනු පසු එයට නිදහසට කරුණු කීමේදී “මම හිතුවේ මෙහෙමයි” වගේ වචන භාවිතා කරන්න එපා. ඒ වෙනුවට “මම හිතන්නේ ඔබ කියපු දේ මම වැරදියට තේරුම් අරගෙන වගෙයි. මම ඒක හරි විදිහට කරන්නම්.” කියන්න.


මෙම ලිපියේ දෙවන කොටස සදහා

ඔබත් ඔබේ ආයතන ප්‍රධානියාත් අතර සම්බන්ධය බිඳ වැටීමට බලපාන වදන් 10ක් – 2 කොටස

SHARE